قصيده ام عانت من فراق ابنها المسجوون في امريكا ورد الابن لها ):

+
----
-
قصيدة الام ....
أصـــيح باعلى الصوت نايف فقدناك ***** عساك تسمع صرختي يوم أناديك
أنا أمك اللي عيـــــدها يوم لـــــــقياك***** يا سعد نفسي لو عيوني تــــلاقيك
والقلب نــــــــاره تشتعل عقب فرقاك *****ما تطفي النيران يا كــــود أياديك
لبست ثوب الحـــزن بعدك ولا انساك ***** والنــــــوم ودّع يوم غابت لـياليك
تاهـت بي الخطوات وادروبي أشواك ***** والدمع من عيني على الخد يبكيك
أراجع الماضي واعــيد ذكـــــــــراك ***** تشدني الذكرى وابـــكي لماضيك
سجـــين بالغــربة وياكـــبر بلـــــواك*****الله يعينك دايم في بــــلاويـــك
هذا القدر مكتوب ... مكتوب ما جاك***** اصبر عسى الله بالنهايه ينجــــيك
بديار ( بوشٍ ) سجنك الموحش هناك ***** ياليت لي قدره على الدرب واجيك
يا ســـــجن ارفق مسندي وسط مبناك***** ما شاف شمس ومظلمات مبانيك
مدري يا عمري كيف الأحوال ويّـاك ***** طمــني عنك طمن امك تحـاتيك
من يغسل اهدومك ومن قـــام يرعاك ***** ومن يطبخ الوجبات منهو يواسيك
ومــنهو الذي بالليل لا نمت غــــطاك***** خوفي عليك البرد بالـحيل يوذيك
ودي قبل مــــــــــوتي مشاهد محياك***** ودي أضمك في يديني وحــــاكيك
يا حافر قبري دخيــــــلك رجيـــــناك ***** تحط فوق النصب نيشان بوصـيك
يمكن يحين الوقت ترجع لمــــــرباك***** وتزور قبري مسـرع في خطاويك
يا سيــــــــــدي سلطان تكفى طلبناك ***** يا راعي الفزعات تشكر مساعيك
شلال طيــب منبعه دوم يمــــــــــناك ***** خيرك مغطــي كل بيت باراضيك
وقت الشدايد ما لها غير شـــــــرواك ***** يبشر بعزه كل من جاك ناصيك
يا ســــــــــــــيدي سلطان حنا فداياك***** بارواحنا نفديك نفديك نفــــــديك
الجود وانت الجود يمشـــــي ببمشاك ***** يمشي وراك ويتبـعك ما يجاريك
يتـــعبني مدحك لو أعدد سجــــــاياك***** والشعر يرفع رايتـــــه ما يوفيك
يالله عسى المولى يصــونك ويرعاك ***** ويعود نايــف يا عسى الله يخليك
أبختصرها يا ذرى كل من جـــــــاك ***** شكوى تجيلك تنتهي ما تعــــديك




رد الابن ... ( سجين في الغربة ) ...


سر ياقلم وإكتب من الشعر ديوان
عنوانه المسجون نايف
يعاني
صفحاته الجدران و الحرف سجان
غلافه القضبان هذا
مكاني
أنا السجين اللي له القيد
عنوان
سجني مؤبد ويلي الموت
جاني
وأنا الغريق اللي من الهم غرقان
يارب فرج كربتي و
إمتحاني
روح ربيع العمر وأصبح خبر كان
كأس المراره قدمه لي
زماني
يا لوعة المسجون والحظ
خوان
بين الزوايا السود حظي
رماني
خلف الحديد اليوم و الحال نقصان
زواري الأحزان هدت
كياني
وليت ياسجن التعاسه و الأحزان
فيك النكد والمر ما جا
كفاني
طيور سعدي هاجرت كل الأغضان
من بعدها وحدي حزين
أعاني
ماتت جذور القلب و الورد
ذبلان
مدري الحزن أشريه وإلا
شراني
الهم في صدري كما نار
بركان
والفرح مركب ما رسى
بالمواني
يمه مسافه بيني و بينك
أوطان
لكن خيالك ما يفارق
ثواني
محتاج لك بالحيل مشتاق
ولهان
يمه وليدك فاقد
للحناني
أفز من نومي وأناديك
حلمان
ياليت حلم الميت يمك
خذاني
سجادتي والذكر والليل
قرآن
دايم ونيسي يوم ربي
بلاني
يا ميمتي ماخاب من قال
سلطان
يمناه توصلني لبر
الأماني
مشهود له بالطيب في كل
ميدان
لو أحصي الأفعال يتعب
لساني
رمز الكرم والجود من دون برهان
خيره يغطي كل قاصي و داني
ياسيدي سلطان يا طير
حوران
يافزعة المضهود سجني
كواني
يا الله يااللي خالق الإنس و الجان
نرجي نعيمك ربنا
بالجناني
تحفظ لنا سلطان من كل
شيطان
و يفك قيدي ما أبي شي
ثاني




اه يادنياء كم منك نعاني .

قصيدة مؤثرة جداً مشكورة يالزعيمه

العفو منورة المنتدى